A1Report publikon pamjet e operacionit të antidrogës së Tiranës, e cila pasditen e të enjtes sekuestroi një sasi të konsiderueshme droge. Sipas policisë, janë gjetur të fshehura në një dollap 53 kilogramë marijuanë, Në pamje jeni duke ndjekur momentin e arrestimit të Hysen Hysës nga Mati banues Kombinat, 68 vjeç, dhe Nardi Deliu 28 vjeç nga Nikel, në Krujë. Deliu kishte një mobileri në Nikël dhe transportonte drogën të fshehur në mobiljet që prodhonte për t'u shitur në Tiranë. Droga sip[as policisë ishte siguruar në zonat e thella të Krujës dhe kishte për destinacion furnizimin e grupeve të shpërndarësve në kryeqytet.
