KORÇE - Tre persona të plagosur, ku njëri prej tyre në gjendje të rëndë, është bilanci i dy aksidenteve të ndodhura brenda pak minutash në Korçë.
Aksidenti i parë është shënuar në hyrje të Bilishtit ku sipas policisë automjeti tip Fiat me targa AA 560 HX, është përplasur me mjetin tip kamionçinë me targa DV 2052 A, i cili drejtohej nga 20 vjeçari, Anedi Spaho, nga qyteti i Bilishtit.
Të plagosur nga përplasja e dy automjeteve, të cilat shikohen në pamjet e fokusuara nga kamera e televizionit A1 Report, kanë mbetur shtetasit, Ilir Spaho dhe Anesti Xhemo, ndërsa janë transportuar drejt Korçës për të marë ndihmën e parë dhe sipas të dhënave nga bluzat e bardha gjendja e tyre paraqitet jashtë rrezikut për jetën.
AUTOMJETI PERPLAS KEMEBSORIN, NE GJENDJE TE RENDE
Ndërkaq aksidenti i dytë u regjistrua në afërsi të universitetit të Korçës ku autmjeti tip Benz me targa AA 900 EF, ka aksidentuar një këmbësor identiteti i të cilit nuk dihet.
I plagosuri ka marë plagë të shumta në këmbë dhe kokë ndërsa u transportua në gjëndje "shoku" në spitalin e Korçës në gjendje kritike për jetën. Ndërkaq vetëm pas disa minutash i plagosuri është transportuar drejt kryeqytetit për ndihmë të specializuar. -
