Tiranë- Një ish i përndjekur politik tentoi të vetëdigjet para Parlamentit sot rreth orës 10:30 minuta. Policia ka arritur të neutralizojë.
Bëhet fjalë për ish të përndjekurin Kujtim Gaziun.
Gazetari ynë Everest Deda informon nga Parlamenti se ish i përndjekuri politik në momentin kur ka hapur shishen ku kishte benzinën dhe ka tentuar të lyejë trupin është ndaluar nga policia duke e neutralizuar.
Gaziu ishte pjesë e një grupi ish të përndjekurish që ishin vendosur para Parlamentit për të protestuar pasi pretendojnë se në listën e ish të përndjekurve që do të dëmshpërblehen janë futur persona që nuk janë fare të përndjekur politik.
