TIRANË - Ndërsa pritet që të nis seanca parlamentare, ish-të përndjekurit politik në kohën e komunizimit kanë dalë sërish në protestë për përshpejtimin e dhënies së këstit të parave.
Qeveria ka miratuar fondin prej 18 milionë dollarësh për dëmshpërblimet ndërsa protestuesit kërkojnë përshpejtimin e procesit të dhënies të parave.
Të vendosur para Parlamentit, ata kërcënuan se do të vetëdigjen nëse kërkesat e tyre nuk përmbushën në kohën që kërkojnë.
Ish-të përndjekur nuk kanë qëndruar gjatë në ambientet e jashtme të Kuvendit por edhe nuk kanë bërë të ditur nëse do të rikthehen sapo të nis seanca parlamentare.
