KUKËS - Një i vdekur dhe një i plagosur është bilanci i një aksidenti automobilistik mbrëmjen e sotme në periferi të qytetit të Kukësit.
Automjeti tip "Opel Corsa" me targa AA 469 GV që drejtohej nga shtetasi, Kujtim Omuri 46 vjeç, është përplasur më nje tjetër mjet tip kamioçinë në afërsi të lagjes Gostil në qytetit verilindor.
Përplasja ka rezultuar fatale për 46-vjeçarin, që ishte drejtues i autoveturës, i cili ka gjetur vdekjen e menjhershme, ndërsa e ka mbetur e plagosur vajza e tij, Fetije Omuri.
Kjo e fundit është dërguar në spitalin rajonal të Kukësit ku ndodhet nën kujdesin e bluzave të bardha.
I plagosur lehtë gjithashtu ka mbetur edhe shoferi i kamioçinës, i cili pasi ka marrë mjekin në spitalin e qytetit është shoqëruar nga policia për të dhënë detaje për ngjarjen.
Shkak i këtij aksidenti të rëndë është lagështira në rrugë dhe mosrrespektimi i rregullave të qarkullimit, cka kanë sjellë humbjen e kontrollit nga ana e drejtuesve të mjeteve.
Blutë e Kukësit kanë mbërritur menjherë në vëndngjarje dhe kanë nisur punën për zbardhjen e rrethanave të plota të aksidentit.
