MALLAKASTER- Një aksion i INUK për shembjen e një karburanti të ndërtuar pa lejë Në Mallakastër, në aksin Levan-Tepelenë, ka gjeneruar në sherr me grushte. Që në orën 9 të mëngjesit, INUK nisi aksionin për prishjen e një objekti në ndërtim dhe të një karburanti, por pronarët e këtij të fundit kërkuan kohë për të lëvizur vetë materialet. Por vetëm dy orë më vonë kur INUK do të vijonte aksionin ka filluar përplasja me grushte mes pronarëve të karburantit dhe punonjësve të INUK. Në përplasje u përfshinë edhe banorët e zonës, të cilët ishin grumbulluar pranë objektit.
Ndërkaq u desh ndërhyrja e forcave të ndërhyrjes së Shpejtë për të shpërndarë banorët. Mësohet se nga forcat e policisë është përdorur gaz lotsjellës. Pronarët e karburantit kundërshtojnë veprimet e policisë dhe INUK, duke thënë se "INUK s'na ka lajmëruar për ditën e shembjes së karburantit".
