Për të tretën herë është zhvilluar në Tiranë konkursi mes të rinjve nga universitete publike dhe private, për të promovuar projektet në fushën e teknologjisë informatike. Konkursi synon krijimin e projekteve të ndryshme zhvillimore me qëllim luftën ndaj varfërisë, por edhe promovimin e aftësive për të realizuar punësimin e të rinjve në kompani të ndryshme private. Ministret e Arsimit dhe Inovacionit, përkatësisht Lindita Nikolla dhe Milena Harrito, thanë se të rinjtë kanë nevojë për mbështetjen e sipërmarrjes private në zhvillimin e punës kërkimore në teknologji dhe elektronikë.
