BRITANI- Al-Qaeda ka publikuar një listë me objektiva për të goditur me autobombë në Britani të Madhe, Francë dhe SHBA. Lajmi u bë i ditur nga gazeta britanike 'Telegraph' e cila citon numrin e 12 të revistës së Al-Qaeda-s, 'Inspire.'
Në listë përfshihen ndeshjet e futbollit të kampionatit anglez, Premier League dhe të kupës së Anglisë, Kulla 'Sears' në Chikago të SHBA-së dhe Virxhinia e Veriut për bazat e saj ushtarake.
Në shkrim besimtarëve u këshillohet të kenë në shënjestër zonat e populluara dhe jo godinat. Gjithashtu, jepen këshilla se si ndërtohet një bombë artizanale duke përdorur materiale të cilat nuk ngjallin dyshime.
Terroristëve u rekomandohet të qëndrojnë larg kamerave të sigurisë, apo të përdorin maskime të ndryshme.
