WASHINGTON- Presidenti amerikan Barak Obama deklaron se Moska do të ketë "kosto" për çdo ndërhyrje ushtarake në Ukrainë.
Ai tha se ishte thellësisht i shqetësuar nga lëvizjet ushtarake ruse brenda vendit.
"Çdo shkelje e sovranitetit dhe integritetit territorial të Ukrainës do të ishte thellësisht destabilizuese, dhe kjo nuk është në interes të Ukrainës, Rusisë apo Evropës. Kjo do të përbënte një ndërhyrje të thellë në çështjet që duhet të përcaktohen nga populli ukrainas do të ishte një shkelje e qartë e angazhimit të Rusisë për të respektuar pavarësinë, sovranitetin, kufijtë e Ukrainës dhe të ligjeve ndërkombëtare." tha Obama në një deklaratë nga Shtëpia e Bardhë, duke përgëzuar qeverinë e përkohshme të Ukrainës për "vetëpërmbajtjen" e saj.
Obama shtoi: "Vetëm disa ditë pasi bota erdhi në Rusi për lojrat olimpike, ajo do të ftojë dënimin e kombeve në gjithë botën. Dhe Shtetet e Bashkuara do të qëndrojnë me bashkësinë ndërkombëtare duke pohuar se do të ketë kosto për çdo ndërhyrje ushtarake në Ukrainë. "
Z. Obama nuk ka përcaktuar se cila mund të jetë përgjigja e SHBA. Megjithatë, korrespondentët e BBC-së në Uashington thonë se SHBA po konsideron ushtrimin e presionit ekonomik në lidhjet tregtare që Moska kërkon.
Ajo është gjithashtu duke marrë në konsideratë bojkotin e samitit të G8 organizuar nga Rusia, në qershor.
Presidenti i ngarkuar i Ukrainës e ka akuzuar Rusinë për vendosjen e trupave në rajonin ukrainas të Krimesë dhe për tentative për të provokuar Kievin për "konflikt të armatosur".
Ndërsa kryeministri pro-Moskë i Krime-së, Serhiy Aksyonov u ka kërkuar autoriteteve ruse ndihmë për ruajtjen e paqes në rajon.
Kabineti i ri në Ukrainë do të takohet për herë të parë të shtunën për të diskutuar mbi vendosjen e trupave ushtarake të Rusisë.
