FIER - Dy makina janë përplasur duke sjellë edhe plagosjen e 6 personave. Ngjarja ka ndodhur rreth orës 15:30 minuta të ditës së sotme në rrugën Levan-Tepelenë. Burime nga policia tha se, të plagosurit janë dërguar në spitalin e Fierit.
Viktor Troka, 40 vjeç dhe gruaja e tij Zenepe Troka, 37 vjeç, janë në gjendje të rëndë dhe janë futur në operacion.
Të plagosurit e tjerë janë Liri Roka, Spiro Xheli, 58 vjeç, Urani Xheli, 52 vjeç, besmir Xheli, 27 vjeç. Këto persona janë jashtë rrezikut për jetën, por janë duke u mjekuar në spital.
Mësohet se, të përplasura janë makinat, një foristradë dhe makinë Audi. Policia ka shkuar në vendin e ngjarjes dhe ka nisur hetimet në lidhje me shkaqet e aksidentit.
