TIRANË - Një shqiptar është vrarë një ditë më parë në Siri. Bledar Hamza, 40 vjeç, është vrarë gjatë luftimeve të djeshme në Siri. Ai ishte me origjinë nga Pogradeci.
Kamera e A1 Report ka shkuar në fshatin ku ka lindur Bledar Hamza dhe është rritur 27- vjeçari dhe tezja e tij ka treguar se, ai jetonte në Arabi dhe punonte si kamarier. Lipo ka kërkuar që trupi i nipit të sillej sa më shpejt.
ORA 16:25 TEZJA E HAMZAJT: VRASJEN E MOREM VESH NGA NUSJA E BLEDARIT
Sipas, Zeljana Lipos, nipi i saj Bledari ishte larguar prej Shqipërisë para dy vitesh së bashku me familjen e tij dhe jetonte në Arabi. Shqiptari nga Pogradeci, por me banim në Tiranë, në Siri mbante nofkën Edu Samed.
Zeljana Lipos, tregon se nipi i saj Bledari ishte larguar prej Shqipërisë para dy vitesh së bashku me familjen e tij dhe jetonte në Arabi. Në kontaktet që 27-vjeçari kishte me familjarët e tij pohonte se punonte në një restorant si kuzhinier dhe ecte mirë me punën e tij.
Por nga ana tjetër tezja e tij tregon se nipi nuk iu tregonte asnjëherë vendin ku ai vërtet jetonte dhe kjo u vërtetua pas lajmit që ata mësuan për vdekjen e tij se është vrarë në Siri.
Ka qenë pikërisht bashkëshortja e 27-vjeçarit të vrarë e cila iu ka dhënë lajmin e hidhur familjes së Bledarit duke iu pohuar se ai kishte mbetur i vrarë.
E shqetësuar për humbjen e nipit të saj , Zejlana Lipo kërkon zbardhjen e së vërtetës se si ëshët vrarë në të vërtetë Bledari dhe nga ana tjetër ajo kërkon mbërritjen sa më parë të trupit të tij në Shqipëri.
ORA 13:25 VRITET NE SIRI BLEDAR HAMZA NGA POGRADECI
40-vjeçari Bledar Hamza, i vrarë një ditë më parë në Siri është nga fshati Leshnicë i Pogradecit por banonte në Tiranë. Bëhet e ditur se, pritet mbërritja e trupit në Shqipëri dhe është duke u punuar me procedurat burokratike.
Në dy javët e fundit janë vrarë disa shqiptarë që po luftojnë krahë rebelëve sirianë që po përpiqen ta rrëzojnë diktatorin Bashar al-Assad.
Njëri prej rasteve ai i Diamant Rashës është trajtuar edhe nga A1 Report dhe gjatë një interviste të dhënë, prindërit e të riut të vrarë në Siri, thanë se ai kishte shkuar me dëshirë atje, për të luftuar krah rebelëve.