1300 hektarë tokë bujqësore janë nën ujë në Komunën e Balldrenit në qarkun e Lezhës, një nga zonat më të prekura nga përmbytjet në këtë zonë.
Kreu i komunës, Zef Doçi i ka bërë apel qeverisë që të ndërhyjë sa me parë për ndërtimin e një hidrovori të ri, pasi kjo zonë përmbytet sa herë që ka reshje shiu.
Ndonëse hidrovoret kanë punuar me kapacitet të plotë, ka qenë e pamundur evadimi i ujrave, pasi reshjet kanë qenë intensive.
Zonat më të prekura nga përmbytjet në këtë zonë janë: këneta e Kakarriqit si dhe fusha e Torovicës, ku prej tre ditësh ndodhen nën ujë me qindra hektarë tokë të mbjella me grurë.
Ndonëse bordi i kullimit ka nisur një ndërhyrje emergjente në pastrimin e kanalit të Kakarriqit, për të shmangur përmbytjet në këtë zonë duhen investime të mëdha.
