VLORE- Kreu i komunës Qendër në Vlorë, Fredo Berberi, ka mbetur i plagosur, si pasojë e shpërthimit të makinës së tij një fuoristradë Benz Mercedes ML. Shpërthimi dyshohet se është realizuar me telekomadë dhe lënda plasëse të jetë vendosur që më parë. Berberi ka qenë duke lëvizur me mjetin e tij me targa Targat AA 167 V, në bulevardin Vlorë-Skelë në momentin e shpërthimit. Pas mbërritjes në spitalin e Vlorës Fredo Berberi është nisur për në Tiranë, në spitalin e Traumës ku do i nënshtrohet një mjekimit më të specializuar. Drejtori i Spitalit të Vlorës, Remzi Haxhiraj ka bërë të ditur për A1 Report se kryekomunari pas shpërthimit ka pësuar djegie në trup, më shumë në njerën dorë. Gjithashtu ai ka pësuar dëmtime edhe në pjesën e pasme të trupit, si dhe ka thyer një pjesë të legenit. Fillimishte ai i është nënshtruar një nderhyrjeje kirurgjikale në sallnë e operacionit në Spitalin e Vlorës dhe më pas është vendosur të sillet në Tiranë. Në video momentet e transportimti nga spitali i Vlorës dhe mbërritja në spitalin e Traumës në Tiranë.
