PESHAWR -- Një 15-vjeçar nga Pakistani, i cili vdiq të hënën për të shmangur atentatin e një kamikazi në shkollën e qytetit të tij është shndërruar në hero në vendin e tij.
Aitzaz Hassan, me origjinë nga qyteti shiit i Ibrahimzai, në distriktin Hangu, të provincës së Khyber Pakhtunkhwa (veriperëndim), ia doli të shpëtojë jetë njerëzish duke iu hedhur përsipër një kamikazi, që po i drejtohej shkollës me 1000 nxënës, duke e detyruar atë të shpërthejë 150 metra larg shkollës, duke shpëtuar jetën studentëve dhe mësuesve.
"Jemi krenarë për Aitzaz, pasi shmangu atentatin dhe shpëtoi jetën e qindra studentëve", u shpreh babai për AFP, Mujahid Ali Bangash.
"Jam krenar të di që biri im u sakrifikua për një kauzë fisnike", ka shtuar, duke pohuar se ka marrë shumë mesazhe ngushëllimi dhe falenderimi.
