LEZHE- Gjeli i detit, simboli i tryezës në natën e ndërrimit të viteve ka pushtuar superstradën Lezhë-Shkodër. Në çdo kilometër të këtij segmenti rrugor vihen re tufa me gjela detit. Sipas fermerëve të cilët kanë si burim kryesor të të ardhurave rritjen e këtij shpendi, shitjet kanë rënë ndjeshëm duke mos mbuluar as shpenzimet e vitit.
Përveç krizës ekonomike sipas fermerëve në uljen e kërkesave për gjelin e detit, ka ndikuar edhe mbushja e tregut me shpendë të importuara dhe diferenca në çmim, duke i penalizuar fermerët e kësaj zone.
