KORÇË - Edhe pse nuk është më në krye të Bashkisë së Korçës, zëvendëkryeministri Niko Peleshi ka premtuar mbështetje të vazhdueshme për qytetin e tij.
Deklarata e Peleshit është bërë gjatë ceremonisë së inaugurimit të fasadës së ish-mapos që sot është bërë një zonë me dyqane private.
Rikonstruksioni i fasadave është një projekt i Bashkisë së Korçës, i nisur që kur në krye të këtij institucioni ishte Niko Peleshi, i cili ishte i pranishëm edhe sot në ceremoninë e inaugurimit.
Duke folur në këtë ceremoni, Peleshi tha se, sa herë që kthehet në Korçë emocionohem sikur të ishte hera e parë.
"Ky projekt vuri në qendër biznesin, ky projekt është shpirti ekonomik i biznesit të vogël. Restaurimi i fasadave i ka dhënë shije tjetër Korçës. Korça do ketë gjithmonë mbështetjen e qeverisë qëndrore", ka thënë zëvendëskryeministri Niko Peleshi, gjatë fjalës së tij.
