EGJIPT - Akuza të reja kundër Mohamed Morsy. Prokuroria egjiptiane ka akuzuar ish-Presidentin e Egjiptit për bashkëpunim me organizatat e huaja për të kryer akte terroriste brenda në vend, si dhe spiunim të sekreteve shtetërore për grupin palestinez, Hamas.
Ish-Presidenti i Egjiptit mbahet nën arrest që prej rrëzimit nga pushteti në korrik të këtij viti dhe po gjykohet për vrasje të protestuesve dhjetorin e kaluar.
Së bashku me të do të gjykohen edhe 35 anëtarë të Vëllazërisë Myslimane.
Morsi u zgjodh President i Egjiptit në zgjedhjet e qershorit në vitin 2012. Këto ishin edhe zgjedhjet e para popullore për President në vend.
Largimi i tij me forcë nga pushteti nuk u prit mirë nga shumë mbështetës së tij të cilët vazhdojnë të kërkojnë rikthimin e Morsit në krye të shtetit.
