LOS ANGELOS - Aktori Paul Walker, i njohur për rolin e tij më të mirë në Hollywood në filmin Fast and Furious ka vdekur në një aksident me makinë. Përplasja ndodhi në Santa Clarita, në jug të Los Angelos kur ai ishte duke shkuar në një event bamirësie.
Walker ishte pasagjer në makinën Porsche e cila humbi kontrollin dhe goditi një shtyllë dhe një pemë përpara se të merrte flakë. Po ashtu dhe miku i tij që po drejtonte makinën humbi jetën.
Vdekja e aktorit u konfirmua më vonë në faqen e tij zyrtare të Facbook-ut. Një paragraf tek faqja e tij theksonte: "Është një dhimbje vërtet e madhe që ne duhet të konfirmojmë se Paul Walker sot pësoi një aksident tragjik ndërkohë që po shkonte drejt një eventi bamirësie për organizatën e tij Reach Out Worlwide".
Ai ishte pasagjer në makinën e shokut të tij, ku të dy gjetën vdekjen. Ne e vlerësojmë durimin tuaj ashtu si ne gjithashtu që jemi të shtangur dhe të mërzitur për këtë lajm. Faleminderit që e mbani familjen dhe miqtë e tij në lutjet tuaja në këtë moment kaq të vështirë."
