Një skenë e denjë për një film aksion nga ato të Hollywood-it. Gjatë filmimeve të dokumentarit Incredible Journeys, të BBC, prezantuesi televiziv Steve Leonard dhe eksperi Arktik Jason Roberts i shpëtuan për vetëm pak metra vdekjes.
Vetëm pak minuta pasi i ishin afruar një akullnaje rreth 50 metra të lartë me barkën e tyre, dy burrat panë disa copa akulli të binin nga maja.
Steve Leonard nxitoi për të ndezur motorin e barkës për t'u larguar në një distancë sigurie, por në moment një copë e madhe akulli u shkëput nga akullnaja duke rrezikuar të zinte poshtë barkën e tyre.
Fatmirësisht barka arriti të shpëtojë për vetëm pak metra. Të dy burrat, të lehtësuar, filluan të qeshnin me ngjarjen e cila mund të ishte kthyer në tragjedi.
