Lëmosha e qytetarëve është e vetmja shpresë për të jetuar për një pjesë të komunitetit rom që banojnë në qytetin e Beratit. Ata shprehen se nuk kanë të ardhura të tjera, pasi me monedhat e falura sigurojnë bukën e gojës.
Lypja në rrugë, është e mënyra e vetme që një pjesë e romëve të qytetit të Beratit të sigurojnë bukën e gojës.
Ata shprehen se nuk kanë asnjë burim tjetër jetese, ndaj jeta e tyre varet nga lëmosha e kalimtarëve të rastësishëm, kur ata shtrojnë dorën për të lypur.
Kjo dukuri vihet re dukshëm jo vetëm në rrugët e qytetit të Beratit, por edhe në shumë qytete të tjera të vendit.
