Aksidenti i rëndë automobilistik i ka marrë jetën 3 personave, mes tyre babë e birë. Aksidenti ndodhi mbrëmjen e djeshme rreth orës 23:00 në autostradën Kukës-Kalimash, pikërisht në vendin e quajtur Kolsh.
Një kamionçinë e ngarkuar me tulla e cila lëvizte në drejtim të Kukësit me targa KS 04123 BT ka humbur kontrollin dhe është përplasur me trafikndarësen dhe më pas ka goditur murin anësor.
Si pasojë e përplasjes kanë humbur jetën Bashkim Shpata, 46 vjeç që ishte dhe drejtuesi i mjetit, Idajet Shpata, 19 vjeç djali i tij si dhe Dem Saraçi, 42 vjeç i cili mendohet se ka lidhje familjare me dy viktimat e tjera. Të tre banonin në fshatin shënmri të Komunës Malzi të Kukësit.
Si pasojë e aksidentit autostrada është bllokuar për disa orë rruga. Policia ka nisur punën për zbardhjen e plotë të shkaqeve të aksidentit.
