Një burrë në SHBA, është arrestuar nga policia me akuzën se ka goditur për vdekje me thikë 4 fëmijë dhe një grua në New York City.
Vrasjet ndodhën në Sunset Park të Brooklyn dhe deri më tani, policia nuk ka zbardhur motivin e këtij krimi.
Sipas policisë, një fëmijë 18 muajsh, si dhe dy vajza 6 dhe 9 vjeç vdiqën në vendin e ngjarjes. Ndërsa një djalë 8 vjeç, së bashku me një 20-vjeçare, ndërruan jetë pasi arritën në spital.
Deri më tani, policia nuk ka bërë publik emrin e vrasësit apo nëse ky i fundit, i njihte viktimat.
