Presidenti i Republikës Bujar Nishani ka kërkuar nga Qeveria, subvencionimin e fermerëve, duke shfrytëzuar politikat e reja.
Gjatë një vizite në Panairin e përvitshëm të Mollës, të titulluar "Shije dhe traditë" nëfshatin Dvoran, Presidenti Nishani vlerësoi investimet e bëra nga kultivuesit e këtij fruti si dhe u ka shprehur atyre mbështetjen e shtetit shqiptar nëpërmjet skemave subvencionuese.
Në këtë panair kanë marrë pjesë biznese të shumta të rajonit ku secili prej tyre ofron produkte të ndryshme për qytetarët, që këto prodhime i kanë bazë për sigurimin e të ardhurave.
