TIRANË - Kryeministri në ikje Sali Berisha do të mbajë sot mbledhjen fundit të qeverisë që e drejton për 8 vite, për t'ia lënë më pas drejtimin e qeverisë kryetarit të Partisë Socialiste Edi Rama.
Pritet që në mbledhjen e fundit Berisha të marrë një sërë vendimesh, mes të cilëve edhe largimi i të gjithë zv/ministrave.
Janë më shumë se 30 poste zëvendësministrash që do të ngelin bosh që pas vendimit të sotëm, ndërkohë që vetë ministrat kanë bërë gati dosjet e punës për pasardhësit.
Vendimi për largimin e zëvendësministrave ka ardhur nga kryeministri në detyrë Sali Berisha, pas dhënies së dorëheqjes së pjesëtarëve të stafit, nga këshilltarët e tij e deri tek stafi i ngushtë që do të largohen së bashku me kryeministrin.
Po kështu pritet të miratohen dhe vendimi për shpronësimin e truallit për ndërtimin e bulevardit të ri të Tiranës.
