Emisioni "Pace me gazeta" e ka nisur sezonin e ri me plot surpriza dhe risi në këtë fillimshtatori. Në këtë sezon të ri, emisionit i bashkohen 2 "paçellarë" të rinj, të cilët do të përcjellin tek shikuesit humor dhe momente të këndshme.
Mëngjeset në "A1 Report" nisin plot energji dhe humor nga Hervin Çuli dhe banda e tij në emisionin "Paçe më gazeta", i cili në këtë sezon të vjen me të njëjtën strukturë, por me ndryshime brenda saj.
Kështu, emisionit me karakter zbavitës, të ndërthurur vazhdimisht me ironi e deri në sarkazëm për realitetin shqiptar, i është bashkangjitur aktori i mirënjohur Genc Fuga, i cili ka sjellë për teleshikuesit e "A1 Report", mjaft batuta e humor, duke bërë që gjithsecili prej nesh, ta nisë ditën ndryshe.
