TIRANE- "Transparency International Albania" ka publikuar sot raportin "Barometri global i korrupsionit". Sipas sondazhit të realizuar nga TIA, nivelin më i lartë i korrupsionit në Shqipëri shënohet në gjyqësor dhe në shëndetësisë. Raporti evidenton se masat e ndërmarra na qeveria shqiptare në luftën kundër korrupsionit kanë qenë jo efektive, ndërkohë që kërkohet të luftohet ky fenomen.
Sipas TIA-s, "edhe pse 25 % e qytetarëve shqiptarë mendojnë se korrupsioni në vend është rritur, vetëm 51 % e popullsisë janë të prirur të denoncojnë rastet korruptive, pasi kanë besim të ulët tek institucionet".
Edhe pse niveli i korrupsionit në vend është shqetësues, sipas raportit të "Transparency International Albania", është ulur ritmi i rritjes së rasteve korruptive.
Një tjetër pikë ku ndalet sondazhi i realizuar nga TIA janë prtitë politike, ku pas publikimit të raportit rezulton se në 51 vende të botës, partitë shihen si institucion i korruptuar. Po kështu, sipas sondazhit edhe në Shqipëri partitë perceptohen si shumë të korruptuara nga qytetarët.
Në këtë sondazh të realizuar nga "Transparency International Albania" janë përfshirë 114 mijë persona në 107 vende.