WASHINGTON - Shembet një pjesë e urës në lumin Skagit, (foto) në Washington. Mediat ndërkombëtare shkruajnë se disa makina kanë përfunduar në ujë, por deri tani nuk raportohen viktima. Ngjarja ka ndodhur rreth orës 19.00 me kohën lokale.
Forcat e kërkim-shpëtimit kanë arritur të shpëtojnë 3 persona. Ata janë dërguar në spital, por ende nuk ka asnjë hollësi për gjendjen e tyre shëndetësore. Helikopterë të shumtë dhe disa ambulanca janë ndodhur menjëherë në zonë. Shkaqet e kolapsit mbeten të paqarta.
