TIRANE - Procesi gjyqësor në ngarkim të Dritan Dajtit të akuzuarit për vrasjen e 4 punonjësve të policisë vazhdon të jetë në ngërç. Seanca e planifikuar për tu zhvilluar sot është shtyrë pasi munguan avokatët Uke Cenaj, Skënder Allmetaj. Dy avokatët kanë paraqitur letër, ku thuhej arsyet e mungesës.
Duke Cenaj ka paraqitur raport se vuan nga zemra ndërsa Skënder allmetaj se kishte probleme familjare. Në këtë moment Dajti është larguar nga salla duke i thënë "Kur t'më sillni avokat do paraqitem".
Duke iu drejtuar trupit gjykues Dajti u ka thënë "këtu nuk jemi në Korenë e Veriut ku në shkelje të ligjit jepen intervista nga Sander Simoni kryetar i kësaj gjykate. Mos u ankoni në KLD, sepse KLD nuk meret me te pandehurit dhe avokatet, por me punën e gjykatësve.
Seanca është shtyrë për të hënën në orën 09:00 ndërkohë që u caktuan dy avokatë Ndue Pjetri dhe Skënder Allmetaj. Kjo është seanca e 219-të gjyqësore që është shtyrë.
