Z.Ministri i Brendshëm, Ferdinand Poni, ka deklaruar sot të dhënat e fundit lidhur me listat e votimit dhe paraqiti në shifra situatën më të fundit, duke theksuar se deri në mbyllje të afatit ligjor, pra 40 ditë para datës së zgjedhjeve, lista do të marrë formën e duhur në përputhje me ligjin. Poni deklaroi:
Ekstrakti i listës së zgjedhësve i datës 3 maj 2013 është gjeneruar pranë çdo njësie të qeverisjes vendore për printim. Ai përmban: 3,271,956 zgjedhës.
3,262,926 zgjedhës janë afishuar qartë pranë qendrave të votimit në çdo njësi të qeverisjes vendore;
14,216 zgjedhës ndodhen në listat e zgjedhësve që për shkak të kritereve të ligjit mbi numrin e zgjedhësve që duhet të ketë një qendër votimi (200 - 1000, 700 Tirana), janë akoma në format jo të gatshëm për publikim.
Me bashkimin apo ndarjen e qendrave të votimit që janë jashtë kriterit numerik dhe që në ekstraktin e datës 03 Maj, janë 5 Q.V. mbi kriterin numerik nga këto 2 në Tiranë dhe 17 qendra votimi nën kriterin numerik, procedurë që kryhet nga kryetarët e bashkive/komunave, do të bëhet shumë shpejt dhe përfshirja e këtyre zgjedhësve të mbetur jashtë liste.
Në datën 12 dhjetor 2012 janë dërguar në zyrat e gjendjes civile për kontroll 7,674 rekorde të dyshuara si të dubluara. Pas gjenerimit të ekstraktit të datës 3 maj, u bënë kontrollet për dublimet dhe rezultuan në fund të procedurave 1,454 rekorde të personave të dyshuar si të dubluar.
Për 6,220 rekorde kemi marrë përgjigje nga zyrat e gjendjes civile që nuk janë dublime ose janë pastruar të ndarë si më poshtë:
2829 rekorde nuk jane dublime; 888 persona kanë aplikuar për letërnjoftim; 2503 rekorde janë bllokuar/pastruar si dublime; 798 persona nga 1130 mbi 100 vjec vazhdojnë të mos përfshihen në lista në perputhje me dispozitat e Kodit Zgjedhor.
