Erald Kuçuku, 28 vjeçari nga Tirana, denoncon në "A1 Report" dhunën e ushtruar ndaj tij nga forcat e komisariatit numër 4, gjatë një shoqërimi ku sipas versionit të të riut ndalimi i tij është bërë pa shkak.
"A1 Report!" ka mundur të sigurojë pamjet eskluzive të ndalimit të të riut, ndërsa uniformat blu mohojnë dhunën ndaj tij dhe thonë se i riu është ndaluar dhe herë të tjera pasi ka kundërshtuar dhe ofenduar forcat e policisë!
Ngjarja është shënuar të premten, rreth orës 20:30 të mbrëmjes në rrugën "Bardhyl" në Tiranë, ku Kuçuku, sipas versionit të tij ka qenë në shoqërinë e disa shokëve dhe pa shkak është ndaluar dhe fyer nga patrulla e policisë e më pas është dhunuar.
Vetë i dëmtuari, në një intervistë pas daljes nga komisariati, thotë se dhuna e ushtruar ndaj tij ka ardhur pa asnjë shkak dhe për këtë dhunë tashmë i riu ka nisur procedurat e një kallzimi penal
