Fati i 6-vjeçares Bleona Mata, e zhdukur pa asnjë gjurmë prej 22 majit 2010, vazhdon të mbetet ende mister. Koha e gjatë që ka kaluar, duket se e bën edhe më të vështirë zbardhjen e këtij krimi të rëndë.
Më 22 maj 2010, Bleona Mata, vajza 6-vjeçare, gjendej në kullotën e fshatit Zapod, në një terren të vështirë, por jo të pamundur për fëmijë të rritur në fshat. Me të kanë qenë pesë vajza: Alketa, njëzetetrevjeçare, halla e vajzës së humbur; Qamilja, katërmbëdhjetëvjeçare, kushërirë e parë e babait të Bleonës, fqinje dhe e afërt me vajzën; Rudina, nëntëmbëdhjetë vjeç; Diana gjashtëmbëdhjetëvjeçare.
