Në ditën e fundit të afatit për reformën zgjedhore dhe atë parlamentare, OSBE ka kërkuar nga politika shqiptare të miratojë draftin e hartuar nga komisioni kuvendor. Ambasadori i OSBE, Eugen Wollfarth ka hyrë në selinë e Partisë Socialiste rreth orës 9.00 ku është pritur nga kryesocialisti Rama. Pas takimit prej 45 minutash, diplomati i OSBE ka deklaruar për gazetarët se ka ardhur momenti që politika të marrë vendimin final për draftin.
