ПРОЦЕС: Родители бараат еднакво старателство врз децата по разводот Процес 33 емисија
од Менче Атанасова Точи, НОВА | објавено на: 28-06-2015 16:49:36Група родители покренаа Инцијатива за промена на Законот за семејство и бараат еднакво, споделено старателство врз децата по разводот, во однос 50-50. Тие бараат државата да не биде соучесник во неодговорното родителство со тоа што најчесто одредува „викенд –татковство“.
Можен ли е ваков модел на старателство кај нас и кој е неговиот концепт? Во ПРОЦЕС зборуваат Горан Стоев од Иницијативата за промена на Законот за семејство и Драги Змијанац директор и основач на Првата детска амбасада во светот Меѓаши.
Во емисијата има потресно сведоштво на еден татко, родител кој не може да си ги види децата кога сака, како и стручно мислење од психологот Марија Стефановска која објаснува зошто е потребна промена на законската регулатива.
ТВ НОВА во емсијата "ПРОЦЕС" ќе гледате Зошто ГРУПА РОДИТЕЛИ И МЕЃАШИ БАРААТ ИЗМЕНИ НА ЗАКОНОТ ЗА СЕМЕЈСТВОТО: Заедничко и одговорно родителство и по развод?
Оваа емисија е мал придонес во отворање на јавна дебата за потребата од прифаќање на оваа ГРАЃАНСКА ИНИЦИЈАТИВА.
Дали оваа иницијатива ќе помогне на децата при бракоразводните постапки на нивните родители да ја одбегнат досегашната пракса кога децата најчесто се потенцијални жртви на прекршување на нивните права да живеат со два родители и по развод , да имаат два одговорни родители и по развод?
Гости: Горан Стоев родител и член на иницијативниот одбор на група родители и Драги Змијанац директор и основач на Првата детска амбасада во светот МЕЃАШИ
Уредник - Менче Атанасова Точи
