Tumhara naam musibat mein jab liya hoga
Humara bigra huwa kaam ban gaya hoga
Gunahgaar pe jab lutf Aap ka hoga
Kiya baghair kiya bey kiya kiya hoga
Khuda ka lutf huwa hoga dastagir zaroor
Jo girtay girtay tera naam ley liya hoga
Dikhayi jaayegi mehshar mein shaan-e-Mahboobi
Ke Aap hi ki khushi Aap ka kaha hoga
Khudaye Paak ki chahein gey aglay pichlay khushi
Khudaye Paak khushi un ki chahtha hoga
Kisi ke paaon ki beydi yeh kaat te honge,
Koi aseere gham unko pukaarta hoga
Kisi taraf se sada aaey gi Huzoor aao
Naheen to dam me ghareebon ka faisala hoga
Kisi key palle peh ye hongay waqt wazne amal
Koi umeed se mooh unka tak raha hoga
Koi kahe ga duhaayi hai Ya Rasoolallah
To koi thaam key daman machal gaya hoga
Kisi ko le ke chalein ge farishte sooye jaheem
Woh un ka raasta phir phir key dekhta hoga
Shikasta paaon mere haal ki khabar kar do
Koi kisi sey yeh ro ro key kehh raha hoga
Khuda ke waaste jald unse arze haal karo
Kise khabar hai ke dambhar me haal kya hoga
Pakar ke haath koi haale dil sunaaye ga
To ro key qadamon pe koi machal gaya hoga
Zaban sookhi dikha kar koi labe kausar
Janabay Paak key qadamon pey gir gaya hoga
Nishaane husraway di door mey ghulaamon ko
Liwaye hamd ka parcham bata raha hoga
Koi qareebe tarazu koi labe kausar
Koi sirat pey unko pukaarta hoga
Yeh bekaraar karegi sada ghareebon ki
Ke muqaddas ankhon sey thalaash ka bandha hoga
Woh paak dil ke nahi jisko apna andeysha
Khoj me fikr o tharado mey gir gaya hoga
Hazaar jaan fida narm narm paaon sey
Pukaar unke aseeron ki dhoondta hoga
Azeez bache ko maa jis tarhay talash kare
Khuda gawa yahi haal Aap ka hoga
Khudai bhar inhi haathon ko dekhti hogi
Zamana bhar unhi qadmon pey lowt-ta hoga
Maqaam faasilon par kaam mukhtalif itnay
Woh din zahooray kamaale Huzoor ka hoga
Kahein gey aur nabi 'iz habu ila ghairi'
Meray Huzoor ke lab par 'ANA LAHA' hoga
Duaey ummath badkaar wirday lab hogi
Aur Khuda kay saamney sajdey mein sar jhuka hoga
Ghulaam unki inayat say chain mein hong
