Baat nikalegi toh phir dur talak jaayegi
Log bewajha udaasi ka sabab puchhenge
Yeh bhi puchhenge ke tum itani pareshaan kyun ho
Ungaliya uthengi sukhe huye baalon ki taraf
Ek nazar dekhenge guzre huye saalon ki tarah
Chudiyon par bhi kayi tanz kiye jaayenge
Kaanpate haathon ke bhi fikarain kase jaayenge
Log zaalim hai har ik baat ka taana denge
Baaton baaton mein mera zikrr bhi le aayenge
Unaki baaton ka zara sa bhi asar mat lena
Warana chehare ke ta'asur se samajh jaayenge
Chaahe kuchh bhi ho sawaalaat na karana un'se
Mere baare mein koyi baat na karana un'se
Baat nikalegi toh phir dur talak jaayegi...
