Lalaking hubad at high sa droga, tinangkang kainin ang mukha ng isang teenager!
Isang 6'4", 250-pound na hubad na lalaki, ang bayolenteng umatake ng mga random na pedestrians, sa Palm Beach, Florida, Martes ng gabi. Ayon sa isang biktima, sinubukan pa ng suspect na KAININ ang mukha ng isang teenager.
Nakahiga ngayon ang suspect sa morge, matapos siyang barilin ng pulis, pero bago siya binaril ay binalewala na nito ang pagsaksak at pag-taser sa kanya.
Nangyari ang insidente, alas otso ng gabi, nang biglang inatake ng lalaki ang isang retiradong NYPD officer sa Delray Beach Street.
Hinabol ng suspect ang isa pang lalaki, at ang sampung taong gulang na anak ng biktima, malapit sa isang gated community.
Pagkatapos, ay nasalubong ng suspect ang malas na 18-year-old na lalaki, at tinagka niyang kainin ang mukha ng teenager -- na nakatakas lamang matapos niyang labanan ang suspect, gamit ang isang boxcutter.
Nagdagsaan ang mga tawag sa pulis, at sinubukan nilang pakalmahin ang suspect. Pero inatake din sila nito.
Tinaser siya ng isang officer, pero walang epekto! Bumaril ng tatlong rounds ang isa pang officer, na tinamaan ang suspect -- na sa wakas ay napatigil.
Dinala sa ospital ang suspect, pero siya ay namatay na. Hindi malinaw kung siya ay namatay dahil sa pagbaril sa kanya, o sa ibang dahilan. Walang ID ang suspect, kaya siya ay hindi pa nakikilala.
Ayon sa Palm Beach County Sheriff, ang suspect ay malaki ang katawan, parang NFL linebacker, at naniniwala ang pulis na siya ay nasa impluwensiya ng droga sa oras ng mga asulto. Ayon sa mga biktima, may hindi pangkaraniwang kalakasan ang suspect.
Bawat biktima ay nauwi sa ospital, pati na rin ang sampung taong gulang na bata, na nasaktan habang tinatakasan ang suspect.
For news that's fun and never boring, visit our channel:
http://www.youtube.com/user/TomoNewsPH
Subscribe to stay updated on all the top stories:
http://www.youtube.com/subscription_center?add_user=TomoNewsPH
Stay connected with us here:
https://www.facebook.com/TomoNewsPH