CSU police, binaril ang isang 20-year-old na lalaki, habang ito ay nakatalikod!
Kumpirmado ng autopsy, na binaril ng pulis nang dalawang beses sa likod ang isang 20-year-old.
Ayon sa coroner's report, kaduda-duda ang kuwento ng Columbus State University police, na ang 20-year-old na si Zikarious Flint ay humarap sa kanila nang binaril nila ito nang dalawang beses.
Ang lalaki ay binibisita ang kanyang mga kaibigan sa campus, at nakitang nakaupo sa isang gazebo, habang nilo-load ang isang handgun.
Tinawag ang pulis, na mabilis na dumating. Tatlong officers ang lumapit kay Flint, na tumakbo.
Ayon sa pulis, hinarap sila ni Flint, nang nakataas ang isang kamay, at doon siya binaril nang dalawnag beses ng 43-year-old na si Sgt. Ben Scott.
Pero ayon sa coroner's report, isang bala ang tumagos sa likod ni Flint, at lumabas sa kanyang tiyan, habang ang pangalawang bala ay pumasok sa kanyang leeg at lumabas sa kanyang bibig --- patunay na hindi tutoong hinarap ni Flint ang mga pulis.
Ayon sa mga saksi, si Flint ay walang dalang armas sa kanyang mga kamay, kaya may nagtatanong kung ano ang motibo ng pulis sa pagbaril sa kanya.
Ayon sa pulis, isang Glock model 22, 40-caliber pistol na may walong rounds ang natagpuan, malapit sa katawan ni Flint.
Iniimbestigahan ng Georgia Bureau of Investigation ang kasong ito, at si officer Scott ay nailagay na sa paid administrative leave.
For news that's fun and never boring, visit our channel:
http://www.youtube.com/user/TomoNewsPH
Subscribe to stay updated on all the top stories:
http://www.youtube.com/subscription_center?add_user=TomoNewsPH
Stay connected with us here:
https://www.facebook.com/TomoNewsPH
