Teacher sa Florida, inutos ang pambugbog ng mga estudyante sa isang bata!

Teacher sa Florida, inutos ang pambugbog ng mga estudyante sa isang bata!



Teacher sa Florida, nawalan ng trabaho dahil inutusan niyang atakihin ng estudyante ang kanilang kaklase!

Isang teacher sa isang eskuwelahan sa Port St. Lucie, sa Florida, ang nawalan ng trabaho matapos niyang utusan ang anim na nakatatandang estudyante na bugbugin ang isang sixth grader. Nakunan ng surveillance camera ang brutal na insidente.

Nagalit diumano ang teacher na si Dru Dehart sa sixth grader na si Radravious Williams, dahil sinabi ng bata na gusto niyang murahin ang kanyang mga teachers.

Sinabihan diumano ni Dehart ang anim na eighth graders na bugbugin si Williams, para maturuan ito ng leksiyon.

Makikita sa video footage na sinignal ni Dehart ang attack,
Bago pinuntahan ng mga lalaki si Williams sa isang corridor sa eskuwelahan, kung saan sinipa, sinuntok, at hinampas nila gamit ang kanilang mga sinturon, ang kawawang bata.

Pagkatapos ay kinaladkad nila ang bata sa isang banyo, kung saan nagpatuloy ang asulto.

Pagkatapos ay binuhat nila ang bata sa classroom ni Dehart, at inutusan itong mag-sorry sa teacher. Ang sagot diumano ni Dehart: "ngayong nabugbog ka na ng mga eight graders ko, nawalan ka na ng tapang, ano?"

Inaresto ng pulis ang anim na lalaki matapos kumalat ang video ng attack, na nangyari noong March 2013.

Si Dehart ay nasuspinde mula sa pagturo matapos ang attack, at pormal na nawalan ng trabaho itong linggo. Umaasa raw siya na maari pa siyang bumalik sa pagtuturo...kung kami lang ang masusunod, ay huwag na po sana.


For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH