Baby killer Megan Huntsman, pinanganak at pinatay ang pito niyang anak sa Utah!
Pitong sanggol, natagpuang patay sa garahe ng isang bahay sa Utah!
Inaresto si Megan Huntsman noong Linggo, matapos matagpuan ng mga pulis ang pitong patay na sanggol sa garahe ng kanyang bahay sa Pleasant Grove, Utah.
Si Huntsman ay ina ng pitong sanggol. Pinaniniwalaang ipinanganak niya ang mga baby noong 1996 hanggang 2006, at pinatay ang mga ito, pagkapanganak sa kanila. Itinago diumano ni Huntsman ang bangkay ng mga baby sa mga kahon, na nakalagay sa kanyang garahe.
Noong Sabado, hindi sinasadyang nahalungkat ng dating asawa ni Huntsman ang bangkay ng isang baby sa loob ng isang kahon sa garahe.
Ayon sa isang kapitbahay, kahit na madalas magbago ang bigat ng katawan ni Huntsman, hindi nila inakala na ito ay dahil siya ay nabuntis.
Iniwan ni Huntsman ang dati niyang asawa, nang nahuli ito na may mga kemikal na ginagamit sa paggawa ng crystal meth. Iniwan ni Huntsman ang tatlo nilang anak na babae, at ang bangkay ng pitong sanggol sa bahay.
Naniniwala ang pulis na ang dating asawa ni Huntsman ang ama ng pitong patay na sanggol, pero hindi niya alam na nangyayari ang lahat ng ito. Hindi siya makakasuhan, pero inaabangan ng pulis ang resulta ng DNA analysis.
Si Huntsman ay nakasuhan ng pagpatay ng anim na sanggol. Hindi pa malinaw kung ano ang motibo sa pagpatay ng mga ito.
For news that's fun and never boring, visit our channel:
http://www.youtube.com/user/TomoNewsPH
Subscribe to stay updated on all the top stories:
http://www.youtube.com/subscription_center?add_user=TomoNewsPH
Stay connected with us here:
https://www.facebook.com/TomoNewsPH
