Magkaibigan sa Wisconsin, sinaksak ng 19 beses ang kaklase, para sa website character na 'Slender Man'
Isang creepy website character ang nagsilbing inspirasyon ng dalawang dose anyos na babae, na labing-siyam na beses na sinaksak ang isa nilang kaklase!
Humaharap sa animnapung taong pagkabilanggo ang dalawang 12-year-old na batang babae, matapos nilang muntikang mapatay sa pananaksak ang isa nilang kaklase, para mapasaya ang isang website character.
Sina Morgan Geyser at Annisa Weier, na parehong 12 years old, ay naakusahan ng pagdala sa kanilang kaibigan sa isang lugar sa Waukesha, Wisconsin, kung saan nila ito sinaksak ng maraming beses.
Ayon sa mga report, ang dalawang suspect ay interesado sa website na Creepypasta wiki, kung saan may misteryosong fictional character na si Slender Man.
Sinabi ng mga bata sa pulis na ilang buwan nilang plinano ang pagpatay sa kanilang kaibigan, para maipakita ang kanilang dedikasyon kay Slender Man. Matapos nila ito maisagawa, naglakad sila papunta sa mansiyon ni Slender Man sa Nicolet National Forest.
Inimbita nila ang kanilang biktima sa isang sleepover, at dinala ito sa gubat kinabukasan para maglaro ng hide and seek. Habang sila ay naglalaro, hindi n asana nila itutuloy ang kanilang plano...pero naglakas-loob si Geyser, na inatake at sinaksak ang biktima nang labing-siyam na beses, sa kanyang katawan, braso at paa.
Nadiskubre ng isang cyclist ang biktima, na gumapang sa nalalapit na kalsada. Ipinaglalaban ng biktima ang kanyang buhay, at ayon sa pulis, siya ay nasa stable condition.
Nagpakita sa korte ang dalawang babae noong Lunes. Sila ay nakasuhan ng attempted first-degree intentional homicide.
For news that's fun and never boring, visit our channel:
http://www.youtube.com/user/TomoNewsPH
Subscribe to stay updated on all the top stories:
http://www.youtube.com/subscription_center?add_user=TomoNewsPH
Stay connected with us here:
https://www.facebook.com/TomoNewsPH
