اُداس شام کسی خواب میں ڈھلی تو ہے - قتیل شفائی

اُداس شام کسی خواب میں ڈھلی تو ہے
یہی بہت ہے کہ تازہ ہوا چلی تو ہے

جو اپنی شاخ سے باہر ابھی نہیں آئی
نئی بہار کی ضامن وہی کلی تو ہے

دُھواں تو جھوٹ نہیں بولتا کبھی یارو
ہمارے شہر میں بستی کوئی جلی تو ہے

کسی کے عشق میں ہم جان سے گئے لیکن
ہمارے نام سے رسمِ وفا چلی تو ہے

وہ بک چُکا ہے تو اب ذلتیں خرید ے گا
کہ اس کی جیب میں سونے کی اِک ڈلی تو ہے

کسی کی حسرتِ ناکام کو نہ کوس اے دل
یہ بد نصیب تری گود میں پلی تو ہے

ہزار بند ہوں دیر و حرم کے دروازے
میرے لیے مرے محبوب کی گلی تو ہے

قتیلؔ سے کوئی کتنا ہی اختلاف کرے
جواں غزل کا وہ پہنچا ہُوا ولی تو ہے

Udaas Shaam Kisi Khwaab Main Dhali Tou Hay
Yahi Bohot Hay Kah Taaza Hawa Chali Tou Hay

Jo Apni Shaakh Say Baahir Abhi Nahein Aai
Nayi Bahaar Ki Zaaman Wohi Kali Tou Hay

Dhuwaan Tou Jhooth Nahi Bolta Kabhi Yaaro
Hamaray Shehar Main Basti Koi Jali Tou Hay

Kisi K ishq Main Ham Jaan Say Gaye Lakin
Hamaray Naam Say Rasm-e-Wafa Chali Tou Hay

Woh Bik Chuka Hay Tou Ab Zilltain Khareeday Ga
Kah Uski Jaib Main Sonay Ki Ek Dali Tou Hay

Kisi Ki Hasrat-e-Nakaam Ko Nah Koas Ae Dil
Yeh Bad’naseeb Teri Goad Main Pali Tou Hay

Hazaar Band Houn Dair-o-Haram K Darwazay
Mere Liye Mere Mehboob Ki Gali Tou Hay

Qateel| Say Koi Kitna Hi Ikhtalaaf Karay
Jawaan Ghazal Ka Woh Pohancha Hua Wali Tou Hay

Facebook : https://www.facebook.com/Qateel.Shifaii