مسئلہء کشمیر صرف ایک خطہ کا مسئلہ نہیں بلکہ پاکستان کی شہ رگ ہے جو قائدِ اعظم محمد علی جناحؒ نے واضح کی تھی، مگر ڈوگرا راج اور پھر برطانوی ملی بھگت سے آج بھی یہ مسئلہ جوں کا توں ہے،اقوامِ متحدہ کی قراردادوں کے باوجود صرف مسلمان ہونے کے جرم میں آج کشمیر پاکستان سے الحاق پر محروم ہے ورنہ یہی صورتحال جب مشرقی تیمور میں ہوئی تو ایک ماہ میں اققوامِ متحدہ نے مسئلہ نا صرف حل کروادیا بلکہ اسے آزاد ریاست قرار دے کر اقوامِ متحدہ کا رکن بھی بنا دیا گیا۔
پاکستان آج تک پر امن طریقہ سے اپیلیں ہی کرتا رہا ہے اگر کبھی لائن آف کنٹرول پر بھارتی جارحیت کا مقابلہ یا کشمیری حریت پسندوں کی حمایت بھی کرے تو یہ پاکستان کا یقینی حق ہے۔
جنگِ ستمبر سے قبل کشمیری مجاہدین نے جس طرح بھارتی فوج کے چھکے چھڑادیے تھے اسی کا داغ مٹانے کے لیے بھارت نے ارضِ پاک پر ناپاک قدم رکھے تھے ۔ پاکستان نے کشمیری بھائیوں سے یکجہتی کے لیے کئی قومی نغمات بنائے جو ہمارے ہی قومی نغمات کی تاریخ کا حصہ ہیں، ان میں سے ایک مشہور اور نایاب قومی نغمہء کشمیر نذیر بیگم نے جنگِ ستمبر کے دوران لاہور ریڈیو پر ریکارڈ کروایا جس مین کشمیر کی حریت پسند خواتین کو جناب ابو سعید قریشی نے خوبصورت انداز میں خراجِ تحسین پیش کیا ہے،یومِ یکجہتیء کشمیر کے موقع پر میرے قومی نغمات کے مجموعہ سے آپ سب کے لیے :
نڈر دلیر بچیاں سری نگر کی بیٹیاں
