Светскиот ден за превенција од насилство врз децата и Светскиот ден на дететоТВ АЛФА 19 НОЕМВРИ 2014 Првата детска амбасада во светот Меѓаши веќе 13 години заедно со 240 граѓански организациии од 88 земји во светот го одбележува 19 ноември како Светски ден за превенција од насилство врз децата. Оваа година наша цел е да алармираме за влошувањето на состојбата со насилството врз децата, да ги поттикнеме граѓанските организации, државните институции и другите меѓународни чинители да се активираат во изготвување на старатегии и програми за превенција од насилтво, како и да ја поттикнеме Меѓународната заедница во нејзината заложба за елиминирање на насилството врз децата. Секоја година на овој ден се става акцент на одредна форма на злоупотреба на децата. Оваа година посебен акцент е ставен и на превенција од зависностите и злоупотребата на наркотични супстанци. Она што е загрижувачки и на кое што ние како Детска амбасада сакаме исто така да обрнеме внимание на јавноста е дека голем е и бројот на деца во нашата земја кои што употребуваат и неконвенционални наркотични супстанци, како што се лепилото и слични други. За овие деца кои што се зависници од дрога и психотропски супстанци не постои прифатен центар во нашата земја и овој податок е забележан во извештајот кој Детската амбасада Меѓаши го достави до Комитетот за правата на детето во Женева.
Меѓутоа, она што е карактеристично за Детската амбасада Меѓаши е дека децата и нивната заштита од секаков вид на насилство се примарни цели на 19 ноември - Светскиот ден за превенција од насилство врз децата и 20 ноември – Светскиот ден на дететонашата агенда на кои ние активно и посветено работиме 365 дена во годината. Во Република Македонија бројот на случаи на педофилија и родосквернавење е зголемен, но многу од жртвите не ги пријавуваат овие случаи затоа што извршителите најчесто се нивни блиски роднини или пријатели. За нас, како Детска амбасада, загрижувачки е податокот дека на СОС телефонот за деца и млади 0800 1 2222 добиваме и дојави во кои малолетници под 14 годишна возраст се јавуваат како осомничени за сексуална злоупотреба на дете. Сексуалната злоупотреба е особено трауматична за детето и остава далекусежни последици врз севкупниот развој.
