Halik sa kandila
ng malamlam na dilaw na apoy
sabay ng usal ng panalangin
‘di mawari…
pasasalamat ba
o pag-alala
sa anino ng pagmamahal
na namaalam na.
Nagdarasal ka ba?
sa blangkong mukha di makapa
liwanag ba ng kandila
ay iyong nakita?
o dili kaya’y
anino nito’y naparam na?
Kinagawian o nakagawian man
salamat pa rin naman
samyo ng nasusunog na kandila
hatid nama’y ligaya.
Kandila man ay maupos
hipan man ng aninong naggigipuspos
Salamat pa rin….
sa paghatid ng di mawaring dalangin!
Inner Whispers
http://www.poemhunter.com/poem/anino-ng-kandilang-naupos/
