Lagtaa nahin hai dil meraa ujday dayaar mein
kis ki bani hai aalam-e-naa_paayedaar mein
kah do in hasraton se kahin aur jaa basein
itani jagah kahaan hai dil-e-daagdaar mein
umr-e-daraaz maang kar laaye they chaar din
do arzoo mein kaT gaye do intezaar mein
kitnaa hai bad_naseeb 'Zafar' dafn key liye
do gaz zamin bhi na mili kuu-e-yaar mein
Bahadur Shah
http://www.poemhunter.com/poem/lagta-nahin-hai-dil-mera/
