Ako’y nalulumbay
Sa mga panahong
Ako’y nag-iisa
Ganito na lang ba
Sa bawat minutong nagdadaan
Na tila ba
Ako’y lumulutang
Sa hangin
Ng walang hanggang kalungkutan
Mga luha’y nagpupumiglas na
Sa pumupuyos na damdaming
Ayaw paawat
Ang pagtangis ng puso’y
Bumubulong
Sa lalim ng buwan
Sumasabog na
Sumasabog na
Isang nakaririnding ingay
Mababakas mo
Sa ungol ng mga bahaw
Pakinggan mo
Pakinggan mo
Tila ba’y naghihikaos
Ang nangungulila kong puso
Napabayaan na
Napabayaan na
Ang hugis kong ito
Unti-unti ng nilalamon
Sa kalawakang
Nababalutan ng takot
At isang bangungot.
Marie Joyce B. Negapatan
http://www.poemhunter.com/poem/kalawakan/
