Hum aashiquon ke hote hayn razo neyaz aur,
Teri namaz aur hay meri namaz aur.
Kahte ho jisko Ishq woh dikhta nahin mujhe,
Meri muhabbaton ke nashebo faraz aur.
Jo dill ko loot ley woh lutera mujhe pasand,
Mahmood mera aur hay mera Ayaz aur.
Roe jo tere gham pe wohi aankh muhtaram,
Main keya karoon ke dil ke hain andazo naz aur.
Jango jadal ke tabl se sahma hua sa hoon,
Qudrat ne mere hathon ko bakhsha tha saz aur.
Akhtar Jawad
http://www.poemhunter.com/poem/ghazal-teri-namaz-aur-hay-meri-namaz-aur/
