Vo maasumiyat si muskan thi kabhi,
Vo chahat ki barsaat kabhi,
Kaise hum ab unse vanchit ho gaye,
Fir kyun hum itne bade ho gaye.
Kabhi maa ki god me jhule,
Kabhi papa ke kandhe pe sawar hue;
Aaj yaad aa rahe sab, jab vo pal chale gaye;
Fir kyun hum itne bade ho gaye.
Rote hue kabhi roothkar so jana;
Khud se baat karte hue kaheen kho jana;
Kisike manate manate fir aankhen num ho gaye;
Fir kyun hum itne bade ho gaye.
Vo pukarti maamta bhari aawaz;
Vo apne haaton se khilane ka aabhas;
kyun kabhi lagta hai hum adhure rah gaye;
Fir kyun hum itne bade ho gaye.
Wo kabhi apno se jid karna;
Fir jid puri hone ka intezar karna;
Kya wo din the bachpan ke suhane;
Kyun itni dur sab kuch ho gaya;
Ab sambhalna bhi khud hai;
Aur sapne bhi apne hai;
Manzeelo ko dhundhte hum kaha kho gaye;
Fir kyun hum itne bade ho gaye.
Anish Chouhan
http://www.poemhunter.com/poem/fir-kyun-hum-bade-ho-gaye-hindi/
