اشرف غنی احمدزی روز دوشنبه به عنوان رئیس جمهوری منتخب افغانستان به قانون اساسی این کشور سوگند یاد کرد.
در این مراسم عبدالله عبدالله، رقیب پیشین آقای احمدزی نیز با پذیرش حکم ریاست اجرائی حکومت به همراه معاونانش حضور یافت.
رئیس جمهوری افغانستان حکومت خود را وحدت ملی نامیده است. این نخستین بار است که در افغانستان مقام ریاست جمهوری با رای شهروندان برگزیده می شود.
همزمان با برپایی مراسم ادای سوگند ریاست جمهوری، در نزدیکی فرودگاه کابل عملیاتی انتحاری گزارش شد. هنوز تعداد کشته و مجروح شدگان این بمبگذاری مشخص نیست.
