Македонија | 12. June 2014 - 16:56
Сител тема: Се злоупотребува и детскиот труд во Македонија?
За НАД 18.000 ДЕЦА ВО ЗЕМЈАВА 10ТИ ЈУНИ НЕ БЕШЕ ПОЧЕТОК НА ЛЕТНИОТ РАСПУСТ. ЗА НИВ СЕКОЈДНЕВНИТЕ РАБОТНИ ОБВРСКИ ЌЕ ТРААТ ЦЕЛО ЛЕТО. ГОЛЕМ ДЕЛ ОД НИВ ВООПШТО НЕ ЗНААТ ШТО Е ТОА УЧИЛИШТЕ. Под ведро небо без покрив над глава се околу 2500 деца. Роми, албанци македонци ги има од сите националности. Сите тие делат иста судбина. Принудени да питачат, работат, препродаваат за да им донесат пари на родителите или постарите браќа и сестри. Повеќето од нив немаат родителска грижа ниту надзор па спасот го бараат на улица. Минуваат од маса на маса по кафулињата, на плоштадот, по парковите но најмногу ги има по крстосниците . Обично питачат или ги мијат стаклата на автомобилите а дел од нив се контролирани од страна на возрасните кои некаде од страна ги набњудуваат и чекаат заработувачка. Ја злоупотребуваат нивноста на децата и нивниот натажен поглед до тој степен што ги оставаат во парталава облека без обувки за да можат да извлечат повеќе пари од граѓаните.
Стравичен е податокот дека најголем дел од децата на улица се роми. Од вкупниот број деца на улица 15,5 проценти се на предучилишна возраст , 64 проценти се од 7 до 14 години. Според директорот на Меѓаши не се доволно само дневните прифатни центри и домовите, потребно е да се обезбедат капацитети и помош на социјално ранливите категории со вклучување на децата во градинките и училиштата уште од 3 годишна возраст.
Змијанац апелира до државата но и до граѓаните да бидат посовесни и да не ги поттикнуваат децата на питачење давајќи им пари или купувајќи од нив марамчиња и мастики. Напротив ако сакаат да помогнат да се јават на бесплатниот телефонски број 15 505 или пак на 0800 122 22.
